अर्जेन्टिनाको समर्थनमा नेपालमा मोटरसाइकल र्याली
अनलाइन दर्पण
2018-06-13
काठमाडौं । विश्वकप २०१८ बिहिबारबाट शुरु हुँदै छ । अहिले विश्वभरका खेलप्रेमीमाझ विश्वकपको रौनक बढेको छ ।
नेपालमा पनि विश्वकपको माहोल तातीरहेको छ । फुटबल प्रेमीहरु आफूले समर्थन गरेको जर्सी लगाए हिड्न थालेका छन् ।
यसैक्रममा फुटबल प्रेमीहरुले धादिङमा र्याली नै निकालेका छन् । धादिङका फुटबल प्रेमीहरुले अर्जेन्टिना जर्सी लगाएर मोटरसाइकल र्याली निकालेका छन् ।
उनीहरुले मेसीको टिम अर्जेन्टिनालाई समर्थन गर्दै मोटरसाइकल र्याली निकालेका हुन् ।
मंगलबार साँझ ५ बजे ससाहबाटबाट शुरु भएको र्याली पुच्छार बजार बिच बजार हुँदै शहर परिक्रमा गरेको छ । र्यालीमा समर्थकहरुले अर्जेन्टिनाले विश्वकप जित्ने दाबी गरेका थिए ।
