सिन्धुकप फुटबलको उपाधि टोखा भगवती क्लबलाई
अनलाइन दर्पण
2023-06-17
काठमाडौं । सिन्धु स्पोट्र्स क्लबको आयोजनामा भएको नवौँ सिन्धुकप फुटबल प्रतियोगिताको उपाधि टोखा भगवती युथ क्लबले जितेको छ ।
सिन्धुपाल्चोकको लामोसाँघुमा शनिबार भएको फाइनल खेलमा काभ्रे फुटबल संघलाई टाइब्रेकरमा ५–३ ले पराजित गर्दै टोखा भगवती युथ क्लबले उपाधि जितेको हो । त्यसअघि, निर्धारित ९० मिनेटको खेलमा दुई टोलीबीच १–१ गोलको बराबरी भएपछि खेल टाइब्रेकरमा गएको थियो ।
विजेता–उपविजेतासहितका टोलीलाई स्वास्थ्यमन्त्री मोहनबहादुर बस्नेतले मेडल प्रमाणपत्र प्रदान गरेका थिए ।
