९ सय ३२ सशस्त्र प्रहरी जवानका लागि खुल्यो विज्ञापन
अनलाइन दर्पण
2023-07-15
भक्तपुर । सशस्त्र प्रहरी बलले सशस्त्र प्रहरी जवानका लागि विज्ञापन खुलाएको छ । सशस्त्र प्रहरी जवान पदमा स्थायी पदपूर्तिका लागि आवेदन माग गरिएको हो ।
सशस्त्र प्रहरी बलको भर्ना तथा छनोट शाखा, हल चोक, स्वयम्भुले शुक्रवार एक सूचना जारी गर्दै नयाँ भर्नाका लागि आवेदन माग गरेको जनाएको छ । रिक्त रहेको साधारण समूह, साधारण उपसमूहतर्फ सशस्त्र प्रहरी जवान पदमा खुला प्रतियोगिताद्वारा ९ सय ३२ जना पदपूर्तिका लागि दरखास्त माग गरिएको सूचनामा उल्लेख छ ।
दरखास्त साउन २८ गतेसम्म दिन सकिने सूचनामा बताइएको छ । सूचना शुक्रवारको गोरखापत्रमा प्रकाशित गरिएको छ ।
.jpg)
