धनमाल चोरी गर्ने व्यक्ति पक्राउ
अनलाइन दर्पण
2018-04-26
भक्तपुर। मध्यपुर ठिमी नगरपालिका-५ निकोसेरा राधे-राधे डेरा गरी बस्ने झापाका १७ वर्षीय पवन राईलाई धनमाल चोरी गरेको अभियोगमा बिहीबार प्रहरीले पक्राउ गरेको छ ।
उनीसँगै डेरा गरी बस्ने सिरहा बिष्णु पुरकट्टी-४ का २३ वर्षीय मिलन राईको साथमा रहेको ६० हजार रूपैयाँ र मोबाइल १ थान चोरी गरी भागेका उनलाई तत्काल खटिएको प्रहरीले पक्राउ गरेको हो । उनीबाट ५४ हजार रूपैयाँ र मोबाईल १ थान प्रहरीले बरामद गरेको छ । यस सम्वन्धमा प्रहरीले थप अनुसन्धान गरिरहेको छ ।
