बृहत खुल्ला रक्तदान कार्यक्रम सम्पन्न
भक्तपुर । २५६२ औँ बुद्धजयन्तीको अवसरमा सामुदायिक प्रहरी सेवा केन्द्र गठ्ठाघर र सफल साकोसको संयुत्त आयोजना तथा सन्चो फार्मेसीको सहयोगमा बृहत खुल्ला रक्तदान कार्यक्रम सम्पन्न भएको छ ।
“ सामुदायिक हितका लागि सहकार्यमा सहभागी हौ ” रक्तदान - जीवनदान भन्ने नाराका साथ मध्यपुर थिमी नगरपालिका वडा न ३, गठ्ठाघरस्थित नबदुर्गा मन्दिर परिसरमा बिहान करिब ८ बजेदेखि शुरु भएको उक्त कार्यक्रममा २० महिलासहित ५८ जनाले आफ्नो अमूल्य रगत दान गरेको सामुदायिक प्रहरी सेवा केन्द्र गठ्ठाघरका प्रमुख प्र.नि. प्रतिमा कार्कीले जानकारी दिए ।
कार्यक्रममा आयोजक सस्थाका पदाधिकारी, प्रहरी, सफल साकोसका कर्मचारी, सेयर सदस्य , शुभचिन्तक, पत्रकार लगायत समाजका विभिन्न क्षेत्रका महानुभावहरुको उल्लेख्य सहभागिता रहेको थियोे । सामुदायिक सेवा केन्द्रका उपाध्यक्ष राजभक्त श्रेष्ठको सभापतित्वमा सम्पन्न कार्यक्रममा उहाँले रक्तदानको महत्व र यसको आवश्यकताका वारेमा बोल्दै सम्पूर्ण रक्तदाताहरुलाई धन्यबाद ब्यक्त गरेका थिए ।
कार्यक्रममा सम्पूर्ण रक्तदाताहरुलाई रक्तदान पश्चात प्रमाणपत्र प्रदान गरिएको थियो ।
