आज विश्व मुस्कान दिवस : यस्ता छन् मुस्कानका फाइदा

अङ्ग्रेजी क्यालेन्डर अनुसार हरेक वर्ष अक्टोबर महिनाको पहिलो शुक्रबार ‘विश्व मुस्कान दिवस’ मनाइन्छ। मुस्कानले हरेक व्यक्तिको मानसिकसँगै शारीरिक स्वास्थ्यमा पनि धेरै फाइदा पुर्‍याउने विभिन्न अनुसन्धानहरूले देखाएका छन्। मुस्कानले मानिसलाई धेरै फाइदा गर्छ । मुस्कानले सबै भन्दा पहिला त मानिसको तनाव कम गर्छ। मस्तिष्कले नकारात्मक सोचलाई रक्षात्मक संयन्त्रको रूपमा प्रयोग गर्दछ । मुस्कानले यसको प्रतिरोध गर्न सक्छ । त्यसैले हाँस्ने बानीले मस्तिष्कलाई राम्रो निर्णयहरू गर्न, थप सकारात्मक सोच्न र जीवनको बारेमा राम्रो महसुस गर्न मदत  पुर्‍याउँछ । 

वर्चेस्टरका एक कलाकार हार्वे बलले सन् १९६३ मा अभिनयको क्रममा मुस्कान सहितको भाव अनुहारमा प्रस्तुत गरेपछि मानिसहरुको ध्यान मुस्कानको महत्व तर्फ केन्द्रित भएको थियो । त्यसपछि सन् १९९९ देखि यो दिवस औपचारिकरुपमै मनाउन थालिएको हो । 
सन् २००१ मा हार्वे बलको निधन भयो । त्यसबेला देखि उनको सम्झनामा बनेको विश्व हार्वे बल मुस्कान फाउण्डेसनले आजको दिनमा थुप्रै ठाउँमा मुस्कान दिवस विशेष कार्यक्रमहरु आयोजना गर्दै आइरहेको छ । यस फाउण्डेसनको नारा भने संसारलाई मुस्कानले सुधार गर्नुहोस् , भन्ने रहेको छ ।

अहिलेको विषम परिस्थितिमा मानिसहरु मुस्काउन छोडिसकेका जस्ले दुखी पनि देखिन्छन।विभिन्न किसिमका तनाव,प्रतिस्पर्धाले उनिहरुलाई मुस्कानको महत्व के  हो भन्ने बारे अनभिज्ञ भैइसकेका छन् जस्ले गर्दा मन खिन्न भैई हत्या हिंसा बलात्कार,आत्महत्या समेत गर्न पछि पर्दैनन।अहिलेको आवस्यकता भनेकै गाँस बाँस कपास जस्तै खुसी साथ जिउन मुस्कान अपरिहार्य छ।आफू मुस्कुराउनु र अरुलाई मुस्कुराउने बाताबरण निर्माण गर्नु नै महान हुन्छ।

मुस्कान हाम्रो मनबाट निस्किएको एउटा यस्तो भाव हो जसले हाम्रो वरिपरिको मानिसलाई पनि खुशी तुल्याउँछ र सबैलाई आफूतर्फ आकर्षित गर्छ । मुस्कान दिवसले सबैलाई हाँसी खुशी बाँच्न प्रेरित गरोस् । विश्व मुस्कान दिवसको अवसरमा मुस्कानको फाइदाहरू जानौँ।

१.मुस्कानले तनाव कम गर्छ।

मुस्कानले मानिसको तनाव कम गर्छ। तपाईँ तनावमा भएको समयमा जानी नजानी मुस्कुराउने कोसिस गर्नुहोस्। यसले तपाईँको मुड र अनुभव गरिरहनु भएको तनाव व्यवस्थापन गर्ने क्षमता सुधार गर्न मद्दत गर्न सक्छ। मुस्कानले थकित देखिनबाट जोगाउन मात्र मद्दत गर्दैन, तर यसले वास्तवमै तनाव कम गर्न मद्दत गर्दछ।

२. मुस्कानले प्रतिरक्षा प्रणाली बढाउँछ

मुस्कानले शारीरिक स्वास्थ्यमा धेरै फाइदा पुर्याउछ। मुस्कानले रोग प्रतिरोधात्मक क्षमता बढाउँछ र सेतो रक्त कोशिकाको सङ्ख्या बढाउँछ, जसले सङ्क्रमणबाट बचाउँछ।

३. रक्तचाप कम गर्छ।

विभिन्न अनुसन्धानहरूमा मुस्कानले रक्तचाप कम गर्न मदत गर्ने पत्ता लागेको छ।

४. शारीरिक पीडा कम गर्छ।

धेरै अध्ययनहरूले देखाएको छ कि मुस्कुराउँदा एन्डोर्फिन र सेरोटोनिन रिलिज हुन्छ। जुन प्राकृतिक पीडा कम गर्ने रसायनहरू हुन्।

५. थप सकारात्मक बनाउँछ।

मस्तिष्कले नकारात्मक सोचलाई रक्षात्मक संयन्त्रको रूपमा प्रयोग गर्दछ। मुस्कानले यसको प्रतिरोध गर्न सक्छ। त्यसैले हाँस्ने बानीले मस्तिष्कलाई राम्रो निर्णयहरू गर्न, थप सकारात्मक सोच्न र जीवनको बारेमा राम्रो महसुस गर्न मदत पुर्याउछ।

६. मुस्कानले मानिसलाई जवान देखाउँछ।

अन्वेषकहरूका अनुसार मुस्कानले मानिसलाई जवान देखाउँछ। एक अध्ययनमा सहभागीहरूलाई तस्बिरहरू देखाउँदा मुस्कुराउने मानिसहरूको उमेरलाई कम आँकलन गरेका थिए।

७. तपाईँको समग्र आयु लम्ब्याउन सक्छ।

२०१० मा गरिएको एक अध्ययनमा मुस्कान लामो आयुसँग प्रत्यक्ष जोडिएको देखिएको थियो। तपाईँलाई लामो समयसम्म बाँच्न प्रेरित गर्ने एउटा कारण मुस्कान हुन सक्छ। मुस्कानले सकारात्मक मुड कायम राख्न र लामो समय स्वस्थ जीवन बाँच्न योगदान गर्न सक्छ।

८. मुस्कानले तपाईँलाई आकर्षक बनाउँछ

हामी स्वाभाविक रूपमा मुस्कुराउने मानिसहरूमा आकर्षित हुन्छौँ। यदि तपाईँ मुस्कुराउँदै हुनुहुन्छ भने मानिसहरू तपाईँमा बढी सकारात्मक विशेषताहरू छन् भनी अनुमान गर्न सक्छन्।

९. मुस्कानले अरूसँग विश्वास निर्माण गर्दछ

युनिभर्सिटी अफ पिट्सबर्गले गरेको एक अध्ययन अनुसार मुस्कुराउने मानिसहरूमाथि अन्य व्यक्तिले विश्वास गर्ने सम्भावना बढी हुन्छ। यदि तपाईँ पहिलो भेटमा कसैसँग राम्रो छाप बनाउन चाहनुहुन्छ भने मुस्कुराउनुहोस्। यसले तपाईँको वरपर थप सहज महसुस गराउन सक्छ।

१०. मुस्कानले सफलताको लागि योगदान गर्दछ

नियमित रूपमा मुस्कुराउनुले मानिसहरूलाई थप आत्मविश्वासी बनाउँछ। उनीहरूको पदोन्नतिको सम्भावना बढाउँछ, र उनीहरूलाई थप पहुँचयोग्य बनाउँछ। जब तपाईँ बैठक वा व्यापार भेटघाटमा हुँदा मुस्कुराउनुहोस्,मानिसहरूले तपाईँलाई अझ सकारात्मक प्रतिक्रिया दिनेछन्।