आज पुस्तकालय दिवस मनाइँदै

अनलाइन दर्पण 2017-08-31
img

काठमाडौ, १५ भदौ। समृद्ध नेपालको आधार : पुस्तकालयको विकास’ भन्ने नाराका साथ आज १० औँ पुस्तकालय दिवस मनाइँदैछ ।

पठन संस्कृति बढाउनका साथै प्रत्येक स्थानीय तहमा पुस्तकालयको स्थापना गराउन प्रवर्द्धन गर्दै सामुदायिक र निजी क्षेत्रका पुस्तकालयले विभिन्न कार्यक्रम गरी दिवस मनाउन लागेका हुन् । सरकारले उपप्रधानमन्त्री एवं शिक्षामन्त्री गोपालमान श्रेष्ठको संयोजकत्वमा दिवसका लागि मूल समारोह समिति समेत गठन गरेको छ ।

आज काठमाडौँको भृकुटीमण्डपस्थित काठमाडौँ उपत्यका सार्वजनिक पुस्तकालय स्थलबाट रसियन कल्चर सेन्टरसम्म प्रभातफेरीसहित मू्ल कार्यक्रम हुनेछ । केदारनाथ झालाई विसं १८६९ तत्कालीन राजा गिर्वाणयुद्धविक्रम शाहले दरबार र अन्य क्षेत्रमा रहेका पुस्तकको संरक्षण गर्न जिम्मेवारी दिएको दिनलाई स्मरण गरी वि.सं. २०६५ भदौ १५ देखि मुलुकमा पुस्तकालय दिवस मनाउन थालिएको हो ।

 

सम्बन्धित समाचार

Advertisement