झापाबाट ओलीको उद्घोष : समृद्ध मुलुक बनाउन बाम गठबन्धनको विकल्प छैन, गलत लाञ्छना बन्द गरी स्वस्थ्य चुनावी प्रतिष्पर्धामा आउन काग्रेसलाई सुझाव
दमक, १७ कात्तिक। नेकपा एमालेका अध्यक्ष केपी शर्मा ओलीले समृद्ध मुलुक बनाउन बाम गठबन्धनको विकल्प नभएको स्पष्ट पार्नुभएको छ । गृहजिल्ला झापाको दमकमा आयोजित पत्रकार भेटघाटमा अध्यक्ष ओलीले अबको राजनीतिक उदेश्य भनेको समृद्धि हासिल गर्ने नै भएको बताउनु भयो ।
आसन्न निर्वाचन सम्पन्न भएपछि मुलुकमा बाम गठबन्धनको दिगो सरकार स्थापना हुने र मुलुक समृद्धिको दिशामा अगाडी बढ्ने बताउनु भयो । अबको एकमात्र राजनीतिक उद्देश्य समृद्धि हो, निर्वाचनपछि जनचाहना अनुसारको शासनसत्ता सञ्चालन हुन्छ र मुलुक समृद्धिको दिशामा जान्छ, अध्यक्ष ओलीको भनाई थियो ।
उहाले वाम गठबन्धन यही स्वार्थ पूर्तिका लागि मात्र भएको भन्दै बेरोजगारीे अन्त्य र गरिब, विपन्न एंव उत्पीडितको हकअधिकारको संरक्षण गर्ने गरी वाम गठबन्धनले सोमबार चुनावी घोषणापत्र सार्वजनिक गर्ने समेत स्पष्ट पार्नुभयो ।
उहाँले नेपाली काँग्रेसलगायतका दललाई चुनावमा स्वच्छ प्रतिस्पर्धा गर्न, गलत लाञ्छना लगाउने काम नगर्न र सत्ताको दुरुपयोग गरी निर्वाचन आचारसंहिताको उल्धंन नगर्नसमेत आग्रह गर्नुभयो
