५२ बर्षमा प्रवेश गरे बलिउड सुपरस्टार सलमान, किन गरे बर्थ डे पार्टीमा मिडियालाई निषेध
बलिउडका सुपरस्टार नायक सलमान खान आजदेखि ५२ वर्षमा प्रवेश गरेका छन् ।खानले यसपालि आफ्नै फार्म हाउस् पनवेल फार्म हाउसमा वर्थ डे सेलिव्रेट गरिरहेका छन् ।
उनले बर्थ डे पार्टीका बारेमा मिडियालाई प्रवेश नदिने योजना बनाएका छन् । यस कार्यक्रममा सलमानका पारिवारिक सदस्यहरु बुबा सलिम खान, आमा, आइहरु अराबाज र सोहेललगायत मात्रै सहभागी हुने भारतीय मिडियाले उल्लेख गरेका छन् ।
बुधवार बिहानै सलमान आफ्नी प्रेमिका युलिया वन्तुरसँगै घरवाट निस्किएको केहि मिडियाको दावी छ । त्यसो त अघिल्लो दिन बहिनी अर्पिताको घरमा रहेको क्रिसमस पार्टीमा पनि उनीहरु सँगै उपस्थित भएका थिए ।
अघिल्लो वर्ष पनि सलमानले यहि फार्म हाउसमा जन्मदिन मनाएका थिए । सलमानका नजिकका मित्र साजिद नाडियडवालाले पनि सलमानले आफ्नै फार्महाउसमा बर्थडे मनाउन लागेको उल्लेख गरेका छन् ।
बर्थडे पार्टीमा उनले कट्रिना कैफलाई विषेश निम्तो गरेका छन् । उनकी पूर्व बुहारी मलाइका अरोरा र मलाइकाकी बहिनी अमृता पनि कार्यक्रममा सहभागी हुनेछन् ।
