यी हुन् गाँजर खानुका फाइदा
गाँजरलाई मानिसहरुले सलादको रुपमा प्रयोग गर्छन् । स्वास्थ्यका लागि गाँजर निकै उपयोगी हुने गरेको पाइएको छ । गाँजरलाई सलाद वा अचार जे को रुपमा प्रयोग गरेपनि यसमा पाइने खनिज र भिटामिन ‘ए’ले हाम्रो शरीरका विभिन्न भागलाई फाइदा गर्छ । त्यस्तै आज हामी तपाईलाई गाँजर खानुको फाइदाबारे जानकारी दिन गइरहेका छौं ।
गाँजरमा अत्याधिक मात्रामा क्याल्सियमा हुन्छ । जसले हाड तथा जोर्नीलाई मजबुद बनाउन मदत गर्छ ।
यसमा प्रशस्त मात्रामा भिटामिन ‘ए’ पाइन्छ । यदि तपाईले नियमित रुपमा गाँजर खानु भयो भने आँखाको समस्याबाट टाढा राख्न सक्छ ।
गाँजरले मधुमेहका बिरामीक रक्तचाप नियन्त्रणका लागि पनि सहयोग गर्छ । यसमा केरिटेनाइड हुने भएकाले रगतमा हुने चिनीको मात्रालाई कम गराउँछ ।
गाँजरमा फाइबर पाइने भएकाले यसको सेवनले कब्जियतको समस्याबाट मुक्त गराउन सहयोग गर्छ ।
यसमा क्याल्सियम हुने भएकाले दाँतलाई सफा तथा बलियो बनाउँछ ।
गाँजरले अनुहारलाई चम्किलो बनाउनुको साथै शरीरलाई सूर्यका किरणहरुबाट पनि बचाउँछ ।
