चुनाव हारेको झोकमा एमालेले कुटे कांग्रेसका कार्यकर्ता
रौतहट । बृन्दावन नगरपालिका–५ हर्साहा चोकमा नेपाली कांग्रेसका कार्यकर्तामाथि एमालेका कार्यकर्ताले शनिबार कुटपिट गरेका छन् । कांग्रेसको विजय जुलसले एमालेका कार्यकर्ताहरुलार्इ जिस्काएको भन्दै उनिहरुले कुटपिट गरेका हुन् ।
एमालेका कार्यकर्ताहरु बसिरहेको स्थानमा बिजय जुलुसले ठुलो आवाजमा बाजा बजाउँदै जिस्क्याएपछि झडप भएको हो । चुनाव हारेर बसेका एमाले कार्यकर्तालार्इ कांग्रेस कार्यकर्ताले जिस्काएपछि भइको झडपमा चारजना कांग्रेसका कार्यकर्ता घाइते भएका हुन् ।
घाइते हुनेहरुमा शेष खैरुल्लाह, शेष मेराजुल, शेष जाहिर, मोहम्मद सैमुल्लाह रहेका छन् । उनीहरुले आफु विजय जुलुस लिएर जाँदा एमालेका कार्यकर्ताले कुटपिट गरेको आरोप लगाएका छन् ।
कुटपिटबाट घाइते भएकाहरुकाको चन्द्रपुर अस्पतालमा उपचार भइरहेको ईलाका प्रहरी कार्यालय चन्द्रनिगाहपुरका डिएसपी यादव ढकालले जानकारी दिनुभयो ।
