मोडर्नका सस्मनले जिते एसियन च्याम्पियनसिपमा स्वर्ण पदक
अनलाइन दर्पण
2017-08-16
काठमाण्डौ, २३ साउन । आइटिएफ कोरियन खुला अन्तर्राष्ट्रिय फेस्टिवल तथा चौथो एसीयन च्याम्पियनसिपमा भक्तपुरस्थित मोडर्न कलेजमा कक्षा ११ मा अध्ययनरत छात्र सस्मन बस्नेतले स्वर्ण पदक जितेका छन् ।
दक्षिण कोरियाको इचोन सहरमा भएको एशियन च्यमम्पियनसिप अन्तर्गत जुनियर ब्ल्याक बेल्टतर्फको ७० केजी तौल समूहको खेलमा उनले संयुक्त राज्य अमेरिकाका खेलाडीलाई ७–१२ पोइन्टले पराजित गर्दै स्वर्ण पदक हात पारेका हुन् ।
सोही प्रतियोगिताअन्तर्गत उनले कोरियन खुला अन्तर्राष्ट्रिय फेस्टिवलअन्तर्गत जुनियर ब्ल्याक बेल्टको ७० किलो तौल समूहमा रजत तथा फस्ट डनमा कास्य पदक समेत जितेका थिए । यही साउन १९ गतेदेखि सञ्चालन भएको उक्त प्रतियोगीतामा १५ राष्ट्रका करिब ५०० भन्दा बढी खेलाडी सहभागी थिए ।
